ميدان وردگ؛ اتحاد تکاني لوبډلې د فوټبال الف ليگ سياليو اتلولي وگټله
د ميدان وردگ ولايت د بدني روزنې او ورزش امريت اړوند د فوټبال فدراسيون د استازولۍ له لوري د ياد ولايت په مرکز میدان ښار کې د لسو لوبډلو ترمنځ غوره ليگ سياليو ته د غوره لوبډلو ټاکلو په موخه د فوټبال الف ليگ سيالۍ د اتحاد تکاني لوبډلې په اتلولۍ پای ته ورسېدې.
دغه سیالۍ، چې شاوخوا دوې مياشتې يې دوام وکړ، په پايلوبه کې اتحاد تکاني لوبډلې خپلې سيالې خورشید لوبډلې ته د ۳ پر ۲ گولونو په توپير ماتې ورکړه او اتلولي يې په خپل نوم کړه.
د يادولو وړ ده، چې اتحاد تکاني او خورشید لوبډلو د ياد ولايت غوره ليگ سياليو ته لار پېدا کړه.
