کابل؛ د هېواد ورزش ادارې شپږو ورزشي فدراسيونونو مسوولينو او ورزشکارانو ته د دعوت او ارشاد رياست اصلاحي سمينار پای ته ورسېد
د المپيک، بدني روزنې او ورزش عمومي رياست اړوند د دعوت او ارشاد رياست اصلاحي او د اسلامي زده کړو د ورکړې سمينارونو په دوام د ياد ریاست شپږو فدراسيونونو مسوولينو او ورزشکارانو ته اصلاحي سيمينار، چې درې ورځې مخکې پیل شوی و پای ته ورسېد.
په دغه سمینار کې د تکواندو، والیبال، سنوکر، کیک بوکسينگ، طبما او رزمي لوبو فدراسیونونو مسوولینو او شاوخوا ۱۴۰ تنو ورزشکارانو ته د اسلام مبارک دین په چوکاټ کې د ورزشي قوانینو اړوند اصلاحي سمینار وړاندې شو.
د ياد سمينار په پای کې د عمومي رياست مالي او اداري رييس مولوي عبدالناصر هاشمي ورزشکارانو ته د فکري روزنې پر اهميت خبرې وکړې او همداراز يې د سمينار په اړه بشپړ معلومات وړاندې کړل.
د يادولو وړ ده، چې د سمینار په پای کې د دعوت او ارشاد ریاست له لوري گډون کوونکو مسوولینو او ورزشکارانو ته تصديق پاڼې هم ورکړل شوې.
