خوست؛ مرکز متون ښار کې د ٣٢ لوبډلو ترمنځ د فوټبال سیالۍ پیل شوې
د خوست ولایت د بدني روزنې او ورزش امریت اړوند د فوټبال فدراسیون د استازولۍ له لوري د ياد ولايت مرکز متون ښار په پښتونستان پارک کې د ٣٢ لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د لکڼو او شاهین لوبډلو ترمنځ ترسره شوه، چې په پایله کې یې لکڼو لوبډلې د ٢/٠ ګولونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ ورزش ته د ځوانانو د هڅولو په موخه پیل شوي دي، چې یوه میاشت به دوام وکړي.
