جوزجان؛ مرکز شبرغان ښار کې د ۷۰ ورزشکارانو ترمنځ د فول رزم سیالۍ ترسره شوې
د جوزجان ولایت د بدني روزنې او ورزش امریت اړوند د فول رزم فدراسیون د استازولۍ له لوري د یاد ولایت په مرکز شبرغان ښار کې د ۷۰ ورزشکارانو ترمنځ د نویوځوانانو، ځوانانو او د لویانو ورزشکارانو په عمري کټګوریو کې د فول رزم سیالۍ ترسره شوې.
دغه سیالۍ، چې د تک فایټ په ډول ترسره شوې، په پایله کې ۳۵ ورزشکارانو خپلو سیالانو ته په ماتې ورکولو سره بریاوې او لومړي مقامونه ترلاسه کړل.
د یادو سیالیو موخه د ځوانانو ترمنځ د فول رزم ورزش ته وده ورکول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
