کندوز؛ په امام صاحب ولسوالی کې د ۷۰ چاپندازانو ترمنځ د وزلوبې سیالی ترسره شوې
د کندوز ولايت د بدني روزنې او ورزش رياست اړوند د وزلوبې فدراسيون د استازولۍ له لوري د ياد ولايت په امام صاحب ولسوالۍ کې د ۷۰ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان حکم له لوري يو اخراولاق اعلان شو، چې عبدالله ترکمن پهلوان د حاجي نوراغا خان ناصري په اس تر حلالې دايرې ورساوه او د ډاليو ګټونکی شو.
د يادو سياليو موخه راتلونکو لوبو ته د چاپندازانو لا ښه چمتووالي و، چې دوې ورځې يې دوام وکړ.
