کندوز؛ په کلباد ولسوالۍ کې د اتو لوبډلو ترمنځ د واليبال سيالۍ پای ته ورسېدې
د کندوز ولايت د بدني روزنې او ورزش رياست اړوند د واليبال فدراسیون د استازولۍ له لوري د ياد ولايت په کلباد ولسوالۍ کې د اتو لوبډلو ترمنځ د واليبال سيالۍ پای ته ورسېدې.
د يادو سياليو په پايلوبه کې د کول دامان لوبډلې خپلې سيالې قرعزو لوبډلې ته د ۲۱/۱۴ نمرو په توپير ماتې ورکړه او بريا يې خپله کړه.
د يادو سياليو موخه ورزش ته د ځوانانو هڅول او د يادې ولسوالۍ وګړو ته د يوې سالمې تفريح برابرول و، چې يوه ورځ يې دوام وکړ.
