هلمند؛ په مارجې ولسوالۍ کې د حقيار اتلانو کپ په نوم د ټېب بال کرېکټ سيالۍ پای ته ورسېدې
د هلمند ولايت د بدني روزنې او ورزش امريت اړوند د ټېپ بال کرېکټ فدراسيون د استازولۍ له لوري د مارجې ولسوالۍ په عصمت بازار سيمه کې د لسو لوبډلو ترمنځ ترسره د حقيار اتلانو کپ په نوم د ټېپ بال کرېکټ سيالۍ د ش.ه.ي.د عثمان الف لوبډلې په اتلولۍ پای ته ورسېدې.
د يادو سیالیو پايلوبه د ش.ه.ي.د عثمان الف او ب لوبډلو ترمنځ ترسره شوه، چې ش.ه.ي.د عثمان الف لوبډلې د لوبې پچې په گټلو سره په ټاکلو ۱۲ ارونو کې سيالې لوبډلې ته د ۲۰۸ منډو هدف وټاکه، په مقابل کې ش.ه.ي.د عثمان ب لوبډلې د ټولو لوبغاړو په سوځېدو سره ۱۸۴ منډې وکړې او لوبه يې د ۲۲ منډو په توپير وبايلله.
د يادولو وړ ده، چې دغو سياليو موخه د ځوانانو ترمنځ يووالی رامنځته کول وو، چې ۲۵ ورځې يې دوام وکړ.
