بلخ؛ په دولت اباد ولسوالۍ کې د ۸ لوبډلو ترمنځ د والیبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال ملي فدراسیون د استازولي له لوري د یاد ولایت په دولت اباد ولسوالۍ کې د ۸ لوبډلو ترمنځ د والیبال سیالۍ د احمد ناصري لوبډلې په اتلولۍ پای ته ورسېدې.
د دغو سياليو په پايلوبه کې احمد ناصري لوبډلې خپلې سیالې جوړه رييس لوبډلې ته د ۳/۰ ميدانونو په توپير سره ماتې ورکړه او اتلولي يې وګټله.
د يادو سياليو موخه ورزش ته د ځوانانو هڅول و، چې يوه ورځ يې دوام وکړ.
