ننګرهار؛ مرکز جلال آباد ښار کې د ۳۶ ورزشکارانو ترمنځ د او-سپورټ سیالۍ ترسره شوې
د ننګرهار ولایت د بدني روزنې او ورزش ریاست اړوند د رزمي ورزشونو فدراسیون د استازولۍ له لوري د ياد ولايت مرکز جلال آباد ښار کې له ١٣ کلبونو د ٣٦ ورزشکارانو ترمنځ د او-سپورټ سبک سیالۍ ترسره شوې.
دا سیالۍ د نویو ځوانانو او ځوانانو ورزشکارانو په عمري کټګوریو کې ترسره شوې، چې په پایله کې یې ١٨ تنو خپلو سیالانو ته په ماتې ورکولو بریاوې خپلې کړې.
یادې سیالۍ د روژې مبارکې میاشتې د نمانځلو په موخه ترسره شوې چې یوه شپه یې دوام وکړ او په پای کې ګټونکو ورزشکارانو ته مډالونه او ستاینلیکونه ورکړل شول.
