کندز؛ په قلعه زال ولسوالۍ کې د ١٢ لوبډلو ترمنځ د واليبال سيالۍ پای ته ورسېدې
د کندز ولایت د بدني روزنې او ورزش رياست اړوند د واليبال ملي فدراسيون د استازولۍ له لوري د ياد ولايت په قلعه زال ولسوالۍ کې د ۱۲ لوبډلو ترمنځ د واليبال سيالۍ تربوز ګذر لوبډلې په اتلولۍ پای ته ورسېدې.
دغو سياليو په پايلوبه کې تربوز ګذر لوبډلې خپلې سیالې ارساري لوبډلې ته ۲۱/۱۴ نومرو په توپير سره ماتې ورکړه او اتلولي يې وګټله.
د يادو سياليو موخه د اختر د خوښیو نمانځل او د يادي ولسوالۍ وګړو لپاره ده يوې سالمې تفريح برابرول و، چې يوه شپه يې دوام وکړ.
