هلمند؛ په مارجې ولسوالۍ کې د ۸۰ پهلوانانو ترمنځ د غېږ نیونې سيالۍ پای ته ورسیدې
د هلمند ولایت د بدني روزنې او ورزش امریت اړوند د ملي او دوديزو لوبو مديريت له لوري د ياد ولايت په مارجې ولسوالۍ کې د نهو ولسواليو د ۸۰ پهلوانانو ترمنځ د غېږ نيونې سيالۍ د مارجې ولسوالۍ پهلوانانو په اتلولۍ پای ته ورسېدې.
په دغو سياليو کې له مرکز لښکرګاه ، نادعلي، مارجې، موسی قلعه، سنګین، کجکي، ګرمسیر او خانشین ولسوالیو پهلوانانو ګډون کړی وو، چې په پايله کې مارجې ولسوالۍ پهلوانانو اتلولي خپله کړه.
د يادو سياليو موخه ملي او دوديزو لوبو ته وده ورکول و، چې دوه ورځې یې دوام وکړ.
