پکتیکا؛ په زیړوک ولسوالۍ کې د ۲۵ لوبډلو ترمنځ د ټېپ بال کرېکټ سيالۍ د بيت الله لوبډلې په اتلولۍ پای ته ورسېدې
د پکتیکا ولایت د بدني روزنې او ورزش امريت اړوند د ټېپ بال کرېکټ فدراسيون د استازولۍ له لوري د ياد ولايت زيړوک ولسوالۍ په رژاڼه سيمه کې د ۲۵ لوبډلو ترمنځ د اختر په مناسبت د ټېپ بال کرېکټ سيالۍ، چې ۱۲ ورځې مخکې پيل شوې وې د بيت الله لوبډلې په اتلولۍ پای ته ورسېدې.
د دغو سياليو پايلوبه د بيت الله او غلچکۍ لوبډلو ترمنځ ترسره شوه، بيت الله لوبډلې د پچې په ګټلو سره د توپ وهنې پرېکړه وکړه، چې په ټاکلو اتو اورونو کې د شپږو لوبغاړو په سوځېدو سره مقابلې لوبډلې ته د ۱۳۱ منډو هدف وټاکه. په ځواب کې د غلچکۍ لوبډلې د ټولو لوبغاړو په سوځېدو سره ۱۰۱ منډې جوړې کړې او د ۲۹ منډو په توپير يې لوبه وبایلله.
د يادو سياليو موخه په لېرې پرتو سيمو کې ورزش ته وده ورکول وو،
