پکتیکا؛ مرکز ښرنه کې د ۱۶ لوبډلو ترمنځ د فوټسال سیالۍ پیل شوې
د پکتیکا ولایت د بدني روزنې او ورزش امریت اړوند د فوتبال فدراسیون د استازولۍ له لوري د یاد ولایت په مرکز ښرنه کې د ۱۶ لوبډلو ترمنځ د فوټسال سیالۍ پیل شوې.
د یادو سیالیو لومړۍ لوبه کې عمران مددخېل لوبډلې د ۲ پر صفر ګولونو په توپیر خپلې سیالې ښرنې الف لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ له نشه یي توکو څخه د ځوانانو د لرې والي په موخه پیل شوي دي، چې اته ورځې به دوام وکړي.
