کندز کې د ۱۲ لوبډلو ترمنځ د فوټبال سيالۍ پای ته ورسېدې
د کندز ولایت د بدني روزنې او ورزش رياست اړوند د فوټبال فدراسيون د استازولۍ له لوري د ياد ولايت په مرکز قچي سيمه کې د ۱۲ لوبډلو ترمنځ د فوټبال سيالۍ، چې دوې مياشتې مخکې پيل شوې وې، د کندز عرضبيگي لوبډلې په اتلولۍ پای ته ورسېدې.
د يادو سياليو په پايلوبه کې کندز عرضبيگي لوبډلې خپلې سيالې کندز نيک پي لوبډلې ته د ۱ پر ۰ گول په توپير ماتې ورکړه او اتلولي يې په خپل نوم کړه.
د ويلو وړ ده، چې د دغو سیالیو موخه ورزش ته د ځوانانو هڅول او ترمنځ يې همغږي رامنځته کول وو.
