پکتیکا؛ مرکز ښرنه کې د ١٦ لوبډلو ترمنځ د فوټسال سیالۍ پای ته ورسېدې
د پکتیکا ولایت د بدني روزنې او ورزش آمریت اړوند د فوټبال فدراسیون د استازولۍ له لوري د ياد ولايت مرکز ښرنه کې د ١٦ لوبډلو ترمنځ د فوټسال سیالۍ د مددخېلو الف لوبډلې په اتلولي پای ته ورسېدې.
د دغو سیالیو پایلوبه کې مددخېلو الف لوبډلې د ٤/٢ ګولونو په توپیر خپلې سیالې مددخېلو ب لوبډلې ته ماتې ورکړه او اتلولي یې وګټله.
دا سیالۍ له نشه يي توکو څخه د ځوانانو د لرې والي په موخه ترسره شوې چې اته ورځې یې دوام وکړ.
