غور؛ شهرک ولسوالۍ کې د اتو لوبډلو ترمنځ د والیبال سیالۍ پيل شوې
د غور ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په شهرک ولسوالۍ کې د اتو لوبډلو ترمنځ د والیبال سیالۍ پيل شوې.
د دغو سیالیو په لومړۍ لوبه کې وحدت لوبډلې خپلې سیالې ترقي لوبډلې ته د ۳/۲ میدانونو په توپير ماتې ورکړه او لومړۍ بریا یې خپله کړه.
د یادو سیالیو موخه د والیبال ورزش ته وده ورکول دي، چې پنځه ورځې به دوام وکړي.
