لغمان؛ مرکز مهترلام ښار کې د ۱۳ لوبډلو ترمنځ د فوټبال سیالۍ پای ته ورسېدې
د لغمان ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت مرکز مهترلام ښار کې د ۱۳ لوبدلو ترمنځ د فوټبال سیالۍ د فرشغان منتخبې لوبډلې په اتلولي پای ته ورسېدې.
د یادو سیالیو پایلوبه د فرشغان منتخبې او لغمان مرکز لوبډلو ترمنځ ترسره شوه، چې په پایله کې یې فرشغان منتخبې لوبډلې د ۲/۰ ګولونو په توپیر خپلې سیالې لغمان مرکز لوبډلې ته ماتې ورکړه او اتلولي یې خپله کړه.
دا سیالۍ ورزش ته د ځوانانو د هڅولو په موخه ترسره شوې، چې ۲۹ ورځې یې دوام وکړ.
