پکتیکا؛ یوسف خېلو ولسوالۍ کې د اتو لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت په یوسف خېلو ولسوالۍ کې د اتو لوبډلو ترمنځ د ټېپ بال کرېکټ سیالۍ د یوسف خېل ټایګرز لوبډلې په اتلولي پای ته ورسېدې.
د یادو سیالیو پایلوبه د یوسف خېل ټایګرز او زمري کوټ لوبډلو ترمنځ ترسره شوه. د لوبې پچه یوسف خیل ټایګرز لوبډلې وګټله او لومړی یې توپوهنه وکړه، چې په ټاکلو ١٢ اورونو کې یې خپلې سیالې لوبډلې ته د ١٩٨ منډو هدف وټاکه. زمري کوټ لوبډلې د هدف په ځواب کې ١٦٨ منډې وکړې او د ٢٩ منډو په توپیر یې لوبه وبایلله.
دا سیالۍ د سیمې د ځوانانو ترمنځ د یووالي او سالمې تفرېح برابرولو په موخه ترسره شوې، چې ٢٥ ورځې یې دوام وکړ.
