د ازادۍ جام په نوم د سوک وهنۍ سیالۍ په کابل کې پیل شوې
دا سیالۍ د بدنې روزنى او سپورت عمومي ریاست تر چتر لاندې نن په کابل کې له ۲۰ کلبونو څخه د ۶۰ لوبغاړو په ګډون ترسره شوې.
د بدنې روزنې او سپورتونو عمومي ریاست مشر انجنىر نظرمحمد مطمىن او ورسره پلاوي د سیالۍ په پرانست غونډه کې ګډون وکړ او لوبغاړو ته یې په خطاب کې وویل چې سپورت د انسان روغتیا تضمینونکی دی او موږ ټول د ودې او پرمختګ لپاره هلې ځلې کوو. په مرکز او ولایتونو کې د بدنې روزنې عمومى ریاست د ورته سپورت برنامې په لاره اچولو کې له همکارۍ څخه ډډه نه کوي.
د ځوانانو ، تنکیو ځوانانو او لویانو عمر کټګورۍ کې لوبغاړي او په مختلف وزن کې د یوې ورځې لپاره سیالي کوي.
