نورستان کې د ۱۰ لوبډلو ترمنځ د واليبال سيالۍ د ننګراج لوبډلې په اتلولۍ پای ته ورسېدې
د نورستان ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت له مرکز او ولسواليو د ۱۰ لوبډلو ترمنځ د واليبال سيالۍ، چې څو ورځې وړاندې پيل شوې وې د ننګراج لوبډلې په اتلولۍ پای ته ورسېدې.
د دغو سياليو په پايلوبه کې ننګراج لوبډلې خپلې سیالې برګمټال لوبډلې ته د زياتو امتيازانو په توپير ماتې ورکړه او اتلولي يې خپله کړه.
د يادو سياليو موخه په نورستان کې د واليبال لوبو ته وده ورکول و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
