پکتيا کې د ۲۴ لوبډلو ترمنځ د فوټبال سيالۍ پای ته ورسېدې
د پکتيا ولايت د بدني روزنې او ورزش رياست اړوند د فوټبال فډراسيون د استازولۍ له لوري د مرکز گردېز ښار په دولتزيو سيمه کې د ۲۴ لوبډلو ترمنځ "ولس او حکومت يو دی" په نوم د فوټبال سيالۍ د بدر لوبډلې په اتلولۍ پای ته ورسېدې.
د دغو سياليو په پايلوبه کې بدر لوبډلې خپلې سيالې متحد ځوانانو لوبډلې ته د ۴/۵ گولونو په توپير ماتې ورکړه او اتلولي يې وگټله.
د يادو سياليو موخه ورزش ته د ځوانانو هڅول او د فوټبال ورزش ته وده ورکول وو، چې شاوخوا ۵۰ ورځې يې دوام وکړ.
