زابل؛ شاجوی ولسوالۍ کې د ۳۲ ورزشکارانو ترمنځ د کېک جیتسو سیالۍ ترسره شوې
د زابل ولایت د بدني روزنې او ورزش امریت اړوند د کېک جیتسو فدراسیون د استازولۍ له لوري د یاد ولایت په شاجوی ولسوالۍ کې له درېیوو کلبونو د ۳۲ ورزشکارانو ترمنځ د کېک جیتسو سیالۍ ترسره شوې.
دغه سیالۍ د ځوانانو او لویانو ورزشکارانو په عمري کټګوریو کې ترسره شوې، چې په پایله کې یې د استاد عبدالقیوم کلب لومړی، استاد علاؤالدین کلب دویم او استاد باچا کلب بیا درېیم مقام خپل کړ.
دا سیالۍ د ورزشکارانو ترمنځ د یووالي په موخه ترسره شوې، چې دوې ورځې یې دوام وکړ.
