کندز؛ امام صاحب ولسوالۍ کې د پنځو لوبډلو ترمنځ د والیبال سیالۍ پای ته ورسېدې
د کندز ولایت د بدني روزنې او ورزش ریاست اړوند د والیبال فدراسیون د استازولۍ په همغږي او د ډاکټر احمدالله رحیمي په مالي ملاتړ د ياد ولايت په امام صاحب ولسوالۍ کې د پنځو لوبډلو ترمنځ د "روغتیا جام" په نوم والیبال سیالۍ د شمس خان زاخيل لوبډلې په اتلولي پای ته ورسېدې.
د دغو سیالیو په پایلوبه کې شمس زاخيل لوبډلې د ٣١/٢٩ نمرو په توپیر خپلې سیالې روح الله ناظري لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي او سالمې تفرېح په موخه ترسره شوې، چې یوه شپه يې دوام وکړ او په پای کې غوره لوبغاړو ته نغدي او ورزشي ډالۍ ورکړل شوې.
