ننګرهار کې د پنځوس ورزشکارانو ترمنځ د ووشو سیالۍ ترسره شوې
د ننګرهار ولایت د بدني روزنې او ورزش ریاست اړوند د ووشو فدراسیون د استازولي له لوري د ياد ولايت مرکز جلال آباد ښار کې له اوو کلبونو د پنځوس ورزشکارانو ترمنځ د ووشو سیالۍ ترسره شوې.
دا سیالۍ د ځوانانو او لویانو ورزشکارانو په عمري کټګوریو کې ترسره شوې، چې په پایله کې ٢٥ تنو خپلو سیالانو ته په ماتې ورکولو بریاوې خپلې کړې او د ډالیو ګټونکي شول.
يادې سیالۍ ورزش د ځوانانو د هڅولو په موخه ترسره شوې، چي يوه ورځ يې دوام وکړ.
