ننګرهار کې د درېیوو ولایتونو ترمنځ د رزمي ورزشونو او- سپورټ سبک سیالۍ ترسره شوې
د ننګرهار ولایت د بدني روزنې او ورزش ریاست اړوند د رزمي ورزشونو فدراسیون د استازولۍ له لوري د یاد ولایت په مرکز جلال آباد ښار کې له ننګرهار، کونړ او لغمان ولایتونو د پنځوس ورزشکارانو ترمنځ د او- سپورټ سبک سیالۍ ترسره شوې.
دغه سیالۍ د ځوانانو او لویانو ورزشکارانو په عمري کټګوریو کې ترسره شوې، چې په پای کې ۲۵ تنو خپلو سیالانو په ماتې ورکولو بریاوې خپلې کړې او د ډالیو ګټونکي شول.
دا سیالۍ ورزش ته د ځوانانو د هڅولو په موخه ترسره شوې، چې یوه ورځ یې دوام وکړ او په پای کې ګټونکو ورزشکارانو ته ستاینلیکونه او مډالونه ورکړل شول.
