بلخ کې د څلورو لوبډلو ترمنځ د فوټبال سیالۍ د امیني لوبډلې په اتلولۍ پای ته ورسېدې
د بلخ ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت په مرکز مزار شریف ښار کې د څلورو لوبډلو ترمنځ د فوټبال سیالۍ د امیني لوبډلې په اتلولۍ پای ته ورسېدې.
د دغو سیالیو په پایلوبه کې امیني لوبډلې خپلې سیالې شمال لوبډلې ته د ۳/۰ ګولونو په توپير ماتې ورکړه او اتلولي یې خپله کړه.
د یادو سیالیو موخه د ځوانانو ترمنځ د فوټبال لوبو ته وده ورکول او یووالی رامنځته کول و، چې یوه ورځ یې دوام وکړ.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
