د سنوکر افغان لوبغاړي صالح محمد محمدي د محمد الجوکر پر وړاندې سیالي بایلوده
د افغانستان د سنوکر ملي لوبډلې لوبغاړي صالح محمد محمدي د سنوکر اتلولۍ نړۍوالو سیالیو په ماسټر برخه کې د متحده عربي اماراتو سیال محمد الجوکر پر وړاندې د ۴ – ۲ نمرو په توپیر سیالي بایلوده.
دغه سیالۍ د ماسټر او شپږ بالونو په دوه جلا برخو کې ترسره کېږي، چې د افغانستان په استازولۍ له لویانو څخه صالح محمد محمدي او له نویو ځوانانو څخه احمد نعمان نعمان پکې ګډون لري.
یادې سیالۍ د ۲۵ هېوادونو په ګډون د روانې میلادي میاشتې پر ۱۳مه د بحرین هېواد په کوربتوب په مانامه ښار کې پیل شوې دي او د همدې میاشتې تر ۲۵مې نېټې به دوام وکړي.
