بلخ ؛ دولت آباد ولسوالۍ کې د لسو لوبډلو ترمنځ د واليبال سیالۍ پای ته ورسېدې
د بلخ ولایت د بدني روزنې او ورزش ریاست اړوند د والیبال فدراسیون د استازولۍ له لوري د یاد ولایت په دولت آباد ولسوالۍ کې د لسو لوبډلو ترمنځ د والیبال سیالۍ د مجید صدر آباد لوبډلې په اتلولي پای ته ورسېدې.
د دغو سیالیو په پایلوبه کې مجید صدر آباد لوبډلې د یو پر صفر میدان په توپیر خپلې سیالې قلتاق لوبډلې ته ماتې ورکړه او اتلولي یې وګټله.
دا سیالۍ له نشه يي توکو سره د مبارزې او ورزش ته د ځوانانو د هڅولو په موخه ترسره شوې، چې یوه شپه یې دوام وکړ.
