خوست کې د ۱۶ لوبډلو ترمنځ د ټېپ بال کرېکټ سیالۍ پیل شوې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت مرکز متون ښار په چغۍ کلي کې د ۱۶ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د متون اتفاق او شيخ امیر تندر لوبډلو ترمنځ ترسره شوه. د لوبې پچه شيخ امیر تندر لوبډلې وګټله او لومړی یې توپوهنه وکړه، چې په ټاکلو لسو اورونو کې یې د اتو ویکټو په توپیر خپلې سیالې لوبډلې ته د ١٥٢ منډو هدف وټاکه. متون اتفاق لوبډلې د هدف په تعقیب کې د شپږو ویکټو په زیان ١٤٣ منډې وکړې او د اتو منډو په توپیر یې لوبه وبایلله.
دا سیالۍ ورزش ته د ځوانانو د هڅولو په موخه پیل شوي دي، چې یوه میاشت به دوام وکړي.
