بلخ کې د شپږو لوبډلو ترمنځ د فوټسال سیالۍ پای ته ورسېدې
د بلخ ولایت د بدني روزنې او ورزش ریاست اړوند د فوټبال ملي فدراسیون د استازولۍ له لوري د یاد ولایت په مرکز مزار شریف ښار کې د شپږو لوبډلو ترمنځ د فوټسال سیالۍ د ساحل باختر لوبډلې په اتلولۍ پای ته ورسېدې.
د دغو سیالیو په پایلوبه کې ساحل باختر لوبډلې خپلې سیالې فولاد لوبډلې ته د ۳/۱ ګولونو په توپیر ماتې ورکړه او اتلولي خپله کړه.
د یادو سیالیو موخه د فوټسال لوبو ته وده ورکول او یووالی رامنځته کول و، چې یوه ورځ یې دوام وکړ.
د سیالیو په پای کې د ورزشي مسوولینو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
