بدخشان کې د ۳۰ ورزشکارانو ترمنځ د سنوکر سیالۍ ترسره شوې
د بدخشان ولایت د بدني روزنې او ورزش امریت اړوند د سنوکر ملي فدراسیون د استازولۍ له لوري د یاد ولایت په مرکز فیض اباد ښار کې د ۳۰ ورزشکارانو ترمنځ د سنو کر لومړی پړاو سیالۍ ترسره شوې.
د دغو سیالیو په پایله کې حمزه ابراهیمي لومړی، رحیم الدین شریفي دویم او بهزاد حبیبي بیا درېیم مقام خپل کړ.
د یادو سیالیو موخه د سنوکر ورزش ته وده ورکول او د غوره ورزشکارانو موندل و، چې یوه ورځ یې دوام وکړ.
د سیالیو په پای کې غوره ورزشکارانو ته ورزشي ډالۍ ورکړل شوې.
