خوست؛ اسماعيل خېلو مندوزيو ولسوالۍ کې د ۲۰ لوبډلو ترمنځ د ټېپ بال کرېکټ سيالۍ پيل شوې
د خوست ولايت د بدني روزنې او ورزش آمريت اړوند د ټېپ بال کرېکټ فدراسيون د استازولۍ له لوري د ياد ولايت په اسماعيل خېلو مندوزيو ولسوالۍ کې د ۲۰ لوبډلو ترمنځ د هېواد د خپلواکۍ د ۱۰۶ کليزې په وياړ د ټېپ بال کرېکټ سيالۍ پيل شوې.
د يادو سياليو لومړۍ لوبه د عابد ځدراڼ او بريال ځدراڼ کلبونو ترمنځ ترسره شوه. د لوبې پچه عابد ځدراڼ کلب وگټله او لومړی يې د توپ وهنې پرېکړه وکړه، چې په ټاکلو لسو اورونو کې يې د پنځو لوبغاړو په سوځېدو سره سيال کلب ته د ۱۶۵ منډو هدف وټاکه، په مقابل کې بريال ځدراڼ کلب د ټولو اورونو په لوبولو سره يواځې ۸۴ منډې وکړې او لوبه يې د ۸۰ منډو په توپير وبايلله.
د يادونې وړ ده، چې دغه سيالۍ به شاوخوا يوه مياشت دوام وکړي.
