بغلان کې د ۱۰۰ ورزشکارانو ترمنځ رزمي سیالۍ ترسره شوې
د بغلان ولایت د بدني روزنې او ورزش امریت اړوند د رزمي لوبو ملي فدراسیون د استازولۍ له لوري د یاد ولایت په مرکز پلخمري ښار کې د ۱۰۰ ورزشکارانو ترمنځ د رزمي لوبو کیمپو سبک سیالۍ ترسره شوې.
په دغو سیالیو کې د کابل، پروان، تخار، بغلان، کندز او بلخ ولایتونو ورزشکارانو ګډون کړی وو، چې په پایله کې د بغلان ولایت ورزشکارانو لومړی، بلخ ولایت ورزشکارانو دویم او د کندز ولایت ورزشکارانو بیا درېیم مقام خپل کړ.
د یادو سیالیو موخه د کیمپو سبک ته وده ورکول او د ځوانانو ترمنځ یووالی رامنځته کول و، چې دوې ورځې یې دوام وکړ.
د سیالیو په پای کې د ورزش مسوولینو له لوري غوره ورزشکارانو ته مډالونه او د اتلولۍ حکمونه ورکړل شول.
