غزني؛ اندړو ولسوالۍ کې د ۸۰ نېزه وهونکو ترمنځ د نېزه وهلو سیالۍ ترسره شوې
د غزني ولایت د بدني روزنې او ورزش امریت اړوند د وزلوبې، نېزه وهلو او دودیزو لوبو ملي فدراسیون د استازولۍ له لوري د یاد ولایت په اندړو ولسوالۍ کې د ۱۰ لوبډلو د ۸۰ نېزه وهونکو ترمنځ په ۲۰ سیکشنونو کې د نېزه وهلو سیالۍ ترسره شوې.
د دغو سیالیو په پایله کې محمد انور لوبډلې د ۶۵ امتیازونو په ترلاسه کولو لومړی، سرحدي لوبډلې د ۵۶ امتیازونو په ترلاسه کولو دویم او حاجي فتح محمد لوبډلې د ۴۴ امتیازونو په ترلاسه کولو سره بیا درېیم مقام خپل کړ.
د یادو سیالیو موخه د نېزه وهلو ورزش ته وده ورکول او د ځوانانو ترمنځ یووالی رامنځته کول و، چې یوه ورځ یې دوام وکړ.
