بادغیس کې د ۸۰ پهلوانانو ترمنځ د پهلوانۍ سیالۍ ترسره شوې
د بادغیس ولایت د بدني روزنې او ورزش امریت اړوند د پهلوانۍ ملي فدراسیون د استازولۍ له لوري د یاد ولایت په مرکز قلعه نو ښار کې د ۸۰ پهلوانانو ترمنځ د پهلوانۍ سیالۍ ترسره شوې.
په دغو سیالیو کې د هرات او بادغیس ولایتونو ورزشکارانو په ۱۰ بېلا بېلو وزنونو کې ګډون کړی وو، چې په پایله کې د بادغیس ولایت لومړی مقام خپل کړ.
د یادو سیالیو موخه د پهلوانۍ ورزش ته وده ورکول او د ځوانانو ترمنځ یووالی رامنځته کول و، چې یوه ورځ یې دوام وکړ.
