د قطر په پلازمېنه دوحه کې د فوټبال د نړیوال فدراسیون (فیفا) له مسوولینو سره د افغانستان د المپیک ملي کمیټې او ورزش رهبري پلاوي غونډه.
د افغانستان د المپیک د ملي کمېټې او د بدني روزنې سرپرست ښاغلي نظر محمد مطمئن د فوټبال د نړیوالې فدراسیون (فیفا) د سکرترجنرال له مرستیال ښاغلي MATTIAS GRAFSTROM او د یاد سازمان له نورو چارواکو سره وکتل.
دواړو لورو په کمپونو کې د افغانستان فوټبال ملي فدراسیون لوبغاړو د پاتې کېدو پر څرنګوالي، د فوټبال فدراسیون د پخوانیو ستونزو او د افغانستان د فوټبال فدراسیون د ټاکنو د نه ترسره کېدو په اړه خبرې وکړې.
د فوټبال نړیوال فدراسیون (فیفا) د افغانستان فوټبال فدراسیون سره د ورزشکارانو د یونیفورم په برخه کې د خپلو مالي مرستو او همکاریو د دوام ژمنه وکړه.
د یادونې وړ ده چې دواړو لورو د قطر د بهرنیو چارو وزارت له چارواکو هم مننه وکړه.
