بلخ ؛ زارع ولسوالۍ کې د ۱۴ لوبډلو ترمنځ د واليبال سیالۍ ترسره شوې
د بلخ ولایت د بدني روزنې او ورزش ریاست اړوند د واليبال فدراسیون د استازولۍ له لوري د یاد ولایت په زارع ولسوالۍ کې د ۱۴ لوبډلو ترمنځ د واليبال سیالۍ د شاهین لوبډلې په اتلولي پای ته ورسېدې.
د یادو سیالیو پایلوبه کې شاهین لوبډلې د یو پر صفر میدان په توپیر خپلې سیالې خنجر لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه شپه یې دوام وکړ.
