فاریاب؛ قورغان ولسوالۍ کې د ۸۶ کورشکارانو ترمنځ د کورش سیالۍ وشوې
د فاریاب ولایت د بدني روزنې او ورزش امریت اړوند د کورش ملي فدارسیون د استازولۍ له لوري د یاد ولایت په قورغان ولسوالۍ کې د سید میربیرکه په نوم د ۸۶ کورشکارانو ترمنځ د کورش سیالۍ وشوې.
په دغو سیالیو کې څلور ولسوالۍ ورزشکارانو ګډون کړی وو، چې په پایله کې اندخوی لومړی، قورغان دویم او قرمقل ولسوالۍ بیا درېیم مقام خپل کړ.
د یادو سیالیو موخه د کورش ورزش ته وده ورکول او د ځوانانو ترمنځ یووالی رامنځته کول و، چې یوه ورځ یې دوام وکړ.
