بلخ؛ مرکز مزار شریف ښار کې د ۲۰ لوبډلو ترمنځ د ۱۶ کلنو ځوانانو فوټبال غوره لیګ سیالۍ پای ته ورسېدې
د بلخ ولایت د بدني روزنې او ورزش ریاست اړوند د فوټبال ملي فدراسیون د استازولۍ له لوري د یاد ولایت په مرکز مزار شریف ښار کې د ۲۰ لوبډلو ترمنځ د ۱۶ کلنو ځوانانو فوټبال غوره لیګ سیالۍ د پروژه خالد لوبډلې په اتلولۍ پای ته ورسېدې.
د دغو سیالیو په پایلوبه کې پروژه خالد لوبډلې خپلې سیال ښاروالۍ لوبډلې ته د ۳/۲ ګولونو په توپير ماتې ورکړه او اتلولي یې خپله کړه.
د یادو سیالیو موخه د ځوانانو ترمنځ د فوټبال لوبو ته وده ورکول و، چې درې میاشتې یې دوام وکړ.
د سیالیو په پای کې د بلخ ورزشي ریاست له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
