د پهلواني ملي لوبډلې د لويانو کټګورۍ د پهلوانۍ په نړیوالو سياليو کې له اتو مډالونو سره د دویم مقام ګټونکې شوه
د پهلواني ملي لوبډلې د ``محمد ابراهيم مصطفی``په نوم د پهلوانۍ ۳۶ م پړاو نړیوالو سياليو د لويانو کټګورۍ په انفرادي برخه کې دوه د سرو رزو، درې د سپینو زرو او درې د برنزو مډالونه وګټل او په ټیمي بڼه یې له ۶۲ امتیازونو سره د دویم مقام ګټونکې شوه.
له دغو سیالیو څخه د ځوانانو په کټګورۍ کې هم افغان ورزشکارانو په انفرادي برخه کې څلور د سرو زرو او دوه د سپینو زرو مډالونه ګټلي وو او په ټیمي بڼه یې له ۵۶ امتیازونو سره لومړی مقام خپل کړی و.
د ويلو ده، چې يادې سيالۍ د ۱۱هېوادونو په ګډون د مصر هېواد په اسکندریه ښار کې د روانې ميلادي مياشتې پر ۹مه پيل شوې وې او تر ۱۴مې نېټې به دوام وکړي.
