خوست کې د اوو لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولايت په کونډیو صحرا سیمه کې د اوو لوبډلو ترمنځ د ټېپ بال کرېکټ سیالۍ د شمل زلمیو لوبډلې په اتلولي پای ته ورسېدې.
د یادو سیالیو پایلوبه د صحرا بازانو او شمل زلمیو لوبډلو ترمنځ ترسره شوه. د لوبې پچه شمل زلميو لوبډلې وګټله او لومړی یې توپ وهنه وکړه، چې په ټاکلو نهو اورونو کې یې د شپږو ویکټو په زیان خپلې سیالې لوبډلې ته د ١٠٦ منډو هدف وټاکه. صحرا بازانو لوبډلې د هدف په تعقیب کې د پنځو ویکټو په زیان ١٠٢ منډې وکړې او د درېیوو منډو په توپیر یې لوبه وبایلله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
