سمنگان؛ دره صوف پایین ولسوالۍ کې د ۱۶ لوبډلو ترمنځ د فوټسال سیالۍ پای ته ورسېدې
د سمنګان ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په دره صوف پایین ولسوالۍ کې د ۱۶ لوبډلو ترمنځ د فوټسال سیالۍ د تشکیلات لوبډلې په اتلولۍ پای ته ورسېدې.
د دغو سیالیو په پایلوبه کې تشکیلات لوبډلې خپلې سیالې شاهین لوبډلې ته د ۳/۰ ګولونو په توپير ماتې ورکړه او اتلولي یې خپله کړه.
د یادو سیالیو موخه د ځوانانو ترمنځ د فوټسال لوبو ته وده ورکول و، چې دوې ورځې یې دوام وکړ.
