د والیبال ملي لوبډلې د مرکزي اسيا سیالیو خپله درېيمه لوبه ترکمنستان ته بايلوده
د افغانستان والیبال ملي لوبډلې د مرکزي اسيا اتلولي سیالیو کې خپله درېيمه لوبه ترکمنستان ته د ۳ – ۱ میدانونو په توپیر بيلوده.
له دغو سياليو څخه په تېرو دوه لوبو کې افغان ملي لوبډلې له سريلانکا څخه د ۲ - ۳ ميدانونو په توپير ماته منلې او مالديف ته يې د ۳ - ۰ ميدانونو په توپير ماته ورکړې ده.
افغان لوبډله به خپله څلورمه لوبه کې د روانې ميلادي مياشتې پر ۲۶مه د نيپال هېواد والیبال ملي لوبډلې پر وړاندې د سیالۍ ډګر ته ښکته شي.
د ویلو ده، چې یادې سیالۍ د بنګلادېش هېواد په کوربهتوب د دې هېواد په پلازمېنه ډاکه ښار کې د شپږ هېوادونو په ګډون د روانې اکتوبر مياشتې پر ۲۲مه نېټه پیل شوي، چې د همدې مياشتې تر ۳۰مې نېټې به دوام وکړي.
