هلمند؛ ګرشک ولسوالۍ کې د ۲۴ لوبډلو ترمنځ د فوتسال سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت په ګرشک ولسوالۍ کې د ۲۴ لوبډلو ترمنځ د فوټسال سیالۍ پیل شوې.
د یادو سیالیو لومړۍ لوبه کې خوشحال لوبډلې د ۴ پر ۳ ګولونو په توپیر خپلې سیالې ازاد لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ ورزش ته د ځوانانو د هڅولو په موخه پیل شوي دي، چې ۲۴ ورځې به دوام وکړي.
