پروان کې اتو لوبډلو ترمنځ د فوټبال الف لیګ سیالۍ پای ته ورسېدې
د پوران ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت مرکز چاریکار ښار کې د اتو لوبډلو ترمنځ د فوټبال الف لیګ سیالۍ، چې یوه میاشت مخکې په دوو ګروپونو کې پیل شوې وې، د اتحاد پروان لوبډلې په اتلولي پای ته ورسېدې.
د یادو سیالیو پایلوبه کې اتحاد پروان لوبډلې د ۲ پر یو ګول په توپیر خپلې سیالې شفق شهـ،،ید بګرام لېسې لوبډلې ته ماتې ورکړه او اتلولي یې وګټله.
دا سیالۍ د زونونو په کچه سیالیو ته د غوره لوبډلې ټاکلو او د ورزشکارانو د ظرفیت لوړولو په موخه ترسره شوې او په پای کې ګټونکو لوبډلو او غوره ورزشکارانو ته چمتو شوې ډالۍ ورکړل شوې.
