کندز؛ امام صاحب ولسوالۍ کې د اتو لوبډلو ترمنځ د واليبال سيالۍ پای ته ورسېدې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د ياد ولايت په امام صاحب ولسوالۍ کې د اتو لوبډلو ترمنځ د واليبال سيالۍ د موج های آمو لوبډلې په اتلولۍ پای ته ورسېدې.
د دغو سياليو په پايلوبه کې موج های آمو لوبډلې خپلې سيالې الماس ايشان توپ لوبډلې ته د ۲۵ پر ۱۶ امتيازونو په توپير ماتې ورکړه او اتلولي يې وگټله.
د يادو سياليو موخه ورزش ته د ځوانانو هڅول او خلکو لپاره د سالمې تفريح برابرول وو، چې يوه شپه يې دوام وکړ.
