محمدآغه لوبډله د لوګر فوټسال الف لیګ اتله شوه
د فوټبال فدراسیون د معلوماتو له مخی لوګر کې د فوټسال الف ليګ چې یوه میاشت مخکې د ۱۶ لوبډلو ترمنځ پیل شوی و، د محمدآغې لوبډلې په اتلولۍ پای ته ورسېد.
د دغه لیګ پایلوبه د ګڼو نندارچیانو په حضور د لوګر، پل علم ښار په لودین لوبغالي کې وشوه. په پایلوبه کې محمدآغې ۴ پر ۲ شاویس قرن لوبډلې ته ماته ورکړه. شاویس قرن د لیګ نایب اتلولي وګټله.
په یاد شوي لیګ کې بشر احمد د غوره لوبغاړي، محمد جواد د ۱۲ ګولونو په وهلو د غوره ګول وهونکي او ادیب الله د غوره ګول ساتونکي لقب وګاټه. د یادو سیالیو د اخلاقو کپ جایزه هم طلوع لوګر ته ورکړل شوه.
