غزني کې د ١٨ لوبډلو ترمنځ د فوټسال سیالۍ بای ته ورسېدې
د غزني ولایت د بدني روزنې او ورزش آمریت اړوند د فوټبال فدراسیون د استازولۍ په همغږي او د کرنې او وترنري انسټیټوت له لوري د ياد ولايت په مرکزي جمنازيوم کې د ١٨ لوبډلو ترمنځ د فوټسال سیالۍ پای ته ورسېدې.
د یادو سیالیو پایلوبه کې شامیر صاحب لېسې د ٤ پر ٣ ګولونو په توپیر خپلې سیالې سنايي لېسې ته ماتې ورکړه او اتلولي یې وګټله.
دا سیالۍ د غوره لوبغاړو موندلو او ورزش ته د ځوانانو هڅولو په موخه ترسره شوې، چې ٤٥ ورځې یې دوام وکړ او په پای کې اتلې لوبډلې او غوره ورزشکارانو ته ورزشي ډالۍ ورکړل شوې.
