هرات کې د ۱۹ لوبډلو ترمنځ د فوټسال پینځم پړاو سیالۍ پای ته ورسېدې
د هرات ولایت د بدنی روزنې او ورزش ریاست په همکارۍ، د فوټبال ملي فداراسیون د استازولۍ له لوري د ۱۹ لوبډلو ترمنځ د د دولتي ادارو کارکونکو جام په نوم فوټسال سیالۍ، چې یوه میاشت وړاندې پیل شوې وې د فرمانونو او حکمونو د تعقیب او نظارت ریاست لوبډلې په اتلولۍ پای ته ورسېدې.
د دې سیالیو پایلوبه کې د فرمانونو او حکمونو د تعقیب او نظارت ریاست لوبډلې خپلې سیالې د شاروالۍ ریاست لوبډلې ته د ۳ ـ ۲ میدانونو په توپیر ماتې ورکړه او اتلولي یې وګټله.
د دې سیالیو په پایله کې د مسوولینو له لوري ګټونکو لوبډلو او غوره لوبغاړو ته ډالۍ هم ورکړل شوې.
