بامیان؛ يکاولنګ ولسوالۍ کې د ۱۵ لوبډلو ترمنځ د واليبال سيالۍ پيل شوې
د باميان ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په يکاولنګ ولسوالۍ کې له مرکز او ولسواليو څخه د ۱۵ لوبډلو ترمنځ د واليبال سيالۍ پيل شوې، چې دوې اوونۍ به دوام وکړي.
د دغو سياليو په لومړۍ لوبه کې مرکز يکاولنګ لوبډلې خپلې سیالې سرکنګ لوبډلې ته د ۳/۰ ميدانونو په توپير ماتې ورکړه او لومړۍ بريا يې خپله کړه.
د يادو سياليو موخه واليبال لوبو ته وده ورکول او د خلکو ترمنځ سالمه تفرېح برابرول دي.
